काठमाडौं – सशस्त्र प्रहरी बल नेपाल नम्वर ३ गढीमाई बाहिनी मुख्यालय मकवानपुर यस वर्षको उत्कृष्ट बाहिनी घोषणा गरिएको छ ।
शसस्त्र प्रहरी नायब महानिरीक्षक (डिआइजी) गणेश ठाडामगर नेतृत्वमा रहेको सो बाहिनीले शान्ती सुरक्षा,अपराध नियन्त्रण,तस्करी नियन्त्रणमा महत्वपूर्ण भूमिका निर्वाह गरेको छ ।

सशस्त्र प्रहरी बल नेपाल नम्वर ३ गढीमाई बाहिनी मुख्यालय उत्कृष्ट भएकोमा सर्बोत्कृष्ट बाहिनीपति एवं डिआईजी गणेश ठाडामगरलाई भोली आयोजना हुने २४ औं सशस्त्र प्रहरी दिवसको अवसरमा प्रधानमन्त्री केपी शर्मा ओलीले उक्त सम्मान प्रदान गर्ने जनाइएको छ । भविष्यमा सशस्त्र प्रहरीको नेतृत्व गर्ने सम्भावना रहेका ठाडामगरलाई अवकासमा जानु भन्दा केही घण्टा अघि सरकारले केही हप्ता अघि एक वर्ष म्याद थपेर डिआइजीमा कायमै राखेको छ ।
सशस्त्र प्रहरी बल मुख्यालयका अनुसार भोली मुख्यालयमा आयोजना हुने कार्यक्रममा विभिन्न विधाका उत्कृष्ट सशस्त्र प्रहरी अधिकृतहरुलाई सम्मान र तथा पुरस्कृत गरिने कार्यक्रम छ ।