काठमाडौं- सरकारले नेपाल बिमा प्राधिकरणको अध्यक्षमा शरद ओझालाई नियुक्त गरेको छ।
सोमबार साँझ बसेको मन्त्रिपरिषद् बैठकले ओझालाई अध्यक्ष नियुक्त गरेको हो।

बिमा प्राधिकरण नेपाली बिमा क्षेत्रको नियामक निकाय हो। पत्रकारिता र कानुन व्यवसाय पृष्ठभूमिका ओझासँग कर्पोरेट क्षेत्रमा उच्च व्यवस्थापकीय तहमा काम गरेको अनुभव छ।

व्यवस्थापन संकायमा स्नातकोत्तर गरेका ओझाले नेपाल उद्योग परिसंघ र नेपाल उद्योग वाणिज्य महासंघका लागि विज्ञको रुपमा काम गर्नु भएको थियो। ओझाले आफूलाई अध्यक्ष नियुक्त गरेकोमा सरकारलाई धन्यवाद दिँदै प्राधिकरणलाई राम्रो बनाउने बताउनुभएको छ।

ओझासहित सरकारका पूर्वसचिव रामशरण पुडासैनी र दामोदर बसौला सर्टलिस्टमा सिफारिस हुनु भएको थियो।