काठमाडौँ-श्रम संस्कृति पार्टीका अध्यक्षसमेत रहेका सांसद हर्कराज राईले प्रधानमन्त्री बालेन्द्र शाहले प्रतिनिधिसभामा आएर आफूले बोलेको वाक्य नसच्याउँदै सदनको काम कारबाही अगाडि बढ्न नसक्ने बताएका छन्। 

प्रतिनिधिसभाको बैठकमा आकस्मिक समयमा सांसद राईले भने–‘प्रधानमन्त्रीले सीमा सम्बन्धमा व्यक्त गरेको धारणा सच्याउनुपर्छ । अरू मन्त्रीले सच्याएर हुन्न उहाँ आफै आएर सच्याउनुपर्छ ।’ 

प्रधानमन्त्री शाहले नेपालले भारतको सीमा मिचेको बताएका थिए । त्यस्तै, सांसद राईले नेपाली सेनालाई सीमाको रक्षार्थ तैनाथ गरिनुपर्ने बताए ।