काठमाडौं– कोभिसिल्ड खोपको दोस्रो डोजको प्रतीक्षामा रहेका ज्येष्ठ नागरिकलाई आजदेखि अस्ट्राजेनेका खोप लगाउन सुरु गरिएको छ ।

गत चैतमा कोभिसिल्डको पहिलो मात्रा लगाई बसेका ६५ वर्ष माथिका ज्येष्ठ नागरिक र अन्य १४ लाख व्यक्तिलाई जापान र भूटानले उपलब्ध गराएको खोप अस्ट्राजेनेका लगाउन सुरु गरिएको स्वास्थ्य तथा जनसंख्या मन्त्रालयले जनाएको छ ।

कोभिसिल्डको दोस्रो डोज १२ सातामा लगाउनुपर्ने भएपनि भारतले खरिद गरेको खोप उपलब्ध नगराएपछि वैकल्पिक खोप दिन थालिएको हो । कोभिसिल्ड लगाएकालाई अस्ट्राजेनेकाले काम गर्दछ ।

दोस्रो डोज लगाई बाँकी रहेको खोप वैदेशिक रोजगारी, अध्ययन र अन्य प्रयोजनमा विदेश जाने व्यक्तिलाई लगाउने निर्णय गरिएको छ । मिर्गौलाले काम नगरी डायलाइसिस गर्नुपर्ने, डायलाइसिस गरेका, अंग प्रत्यारोपण गरेका तथा क्यान्सर रोगका बिरामीलाई पनि एस्ट्राजेनका खोप दिने भएको छ ।

काठमाडौंमा १४४ वटा खोप केन्द्र तोकिएको छ।