काबुल- अफगानिस्तानको वार्दाक प्रान्तमा अफगान वायु सेनाको एक हेलिकोप्टर दुर्घटना हुँदा ९ जनाको मृत्यु भएको रक्षा मन्त्रालयले बिहीबार पुष्टि गरेको छ ।
बुधबार राति वार्दाक प्रान्तको बिहसुद जिल्लाको सो दुर्घटना भएको थियो । यस दुर्घटनामा परी चार जना चालक दलका सदस्य र पाँच अफगान राष्ट्रिय सेना मारिएका मन्त्रालयद्वारा प्रकाशित एक विज्ञप्तिमा जनाइएको छ ।
सेनाले दुर्घटनाको विषयमा अनुसन्धान गरिरहेको र सत्यतथ्य विवरणहरू बाहिर आएपछि जारी गर्ने पनि विज्ञप्तिमा जनाइएको छ ।
गत नोभेम्बरमा पूर्वी प्रान्त नान्ग्राहरमा सेना हेलिकोप्टर दुर्घटनाग्रस्त हुँदा अफगान वायु सेनाका १० सदस्यको मृत्यु भएको थियो ।
प्रतिक्रिया