काठमाडौं– नेकपा माओवादी केन्द्रका अध्यक्ष पुष्पकमल दाहाल (प्रचण्ड) ले आगामी निर्वाचनमा पनि वर्तमान गठबन्धनबीच तालमेल हुन जरुरी रहेको बताउनुभएको छ ।
काठमाडौंमा आजबाट सुरु भएको केन्द्रीय समिति बैठकमा प्रचण्डले यस्तो बताउनुभएको हो ।
‘केपी ओलीबिरुद्धको लडाई जित्न तीनै तहको निर्वाचनमा बर्तमान गठबन्धनबीच तालमेल जरुरी छ, यही नीतिअनुसार जानुपर्छ भन्ने प्रस्ताव अध्यक्ष कमरेडले राख्नुभएको छ,’ माओवादीका एक केन्द्रीय सदस्यले भन्नुभयो । उहाँका अनुसार प्रचण्डले आगामी चुनावमा पार्टीलाई प्रमुख शक्ति बनाउन गठबन्धनले सहयोग गर्ने निश्कर्ष पनि सुनाउनुभएको छ ।
आफ्नो प्रस्तावमा प्रचण्डले आगामी स्थानीय, प्रदेश र संघीय निर्वाचनमा माओवादीलाई नेतृत्वदायी शक्तिका रूपमा स्थापित गर्ने समेत योजना अघि सार्नुभएको छ ।
यस्तै, माधव नेपाललाई उक्साएर एमालेबाट अलग गराई ओलीबाहेकका कम्युनिस्टहरूको एकीकरण गर्ने प्रस्ताव अघि सार्नुभएको छ ।
प्रतिक्रिया