काठमाडौं– नेकपा एमाले निकट नेपाल युवा संघले सरकारले ल्याएको दल विभाजन अध्यादेशविरुद्ध विरोध प्रदर्शन गर्ने भएको छ । युवा संघले सरकारको नयाँ कदमविरुद्ध आज साँझ ५ बजे नयाँबानेश्वरमा विरोध प्रदर्शन गर्ने भएको हो ।

केन्द्रीय कमिटीको आयोजनामा हुने विरोध प्रदर्शनमा सहभागी हुने युवा संघले अपिलसमेत गरेको छ । उसले ‘अध्यादेश चाहिँदैन, फार्टी फुटाउन पाइँदैन’ नाराकासाथ प्रदर्शन गर्न लागेको हो ।