काठमाडौं– एमाले विभाजनमा माधवकुमार नेपाललाई साथ नदिएका नेताहरु उपाध्यक्ष भीम रावलको नेतृत्वमा एक भएका छन् । उनीहरुले १० बुँदे सहमतिको कार्यान्वयनमा जोड दिँदै नयाँ पार्टी दर्ताबाट पछाडि हट्न नेता नेपाललाई आग्रह गरेका छन् ।

शुक्रबार बसुन्धरास्थित एक पार्टी प्यालेसमा केन्द्रीय सदस्य र सांसदहरुको छलफलले अध्यक्ष केपी शर्मा ओलीलाई १० बुँदे सहमति कार्यान्वयन गर्न र नेपाललाई नयाँ पार्टी निर्माणबाट पछि हट्न अपिल गरेको रावलले जानकारी दिनुभयो ।

बैठकले दल विभाजन गर्न ल्याइएको अध्यादेशको विरोध गरेको छ ।