काठमाडौं– एमालेले पार्टीभित्रको विवाद समाधानका लागि भएको १० बुँदे सहमति कार्यान्वयनको मोडालिटी र समयतालिका तय गर्न तीन सदस्यीय कमिटी गठन गरेको छ ।

पार्टीले उपाध्यक्ष भीम रावल, महासचिव ईश्वर पोखरेल र उप-महासचिव विष्णु पौडेल सदस्य रहने गरी कमिटी गठन गरेको हो । यो कमिटीले स्थायी मंगलबारको बैठकअघि प्रस्ताव तयार गर्ने बताइएको छ ।

सोमबार पार्टी अध्यक्ष केपी शर्मा ओली र माधवकमार नेपालसँग नयाँ पार्टीमा नगएका नेताहरूबीच बालकोटमा छलफल भएको थियो । सो छलफलमा ओलीले आफू १० बुँदे भित्रबाट अघि बढ्न तयार रहेको बताउनुभएको थियो ।