काठमाडौँ-कोशी प्रदेशसभाको बैठक आज दिउँसो १ बजे बस्दै छ ।
आज बस्ने प्रदेशसभाको बैठकमा प्रदेश प्रमुख पर्शुराम खापुङले आगामी आर्थिक वर्ष २०८०/०८१ को बजेटको नीति तथा कार्यक्रम प्रस्तुत गर्ने कार्यसूची रहेको छ ।
हिजो साँझ मुख्यमन्त्री तथा मन्त्रिपरिषद्को कार्यालय विराटनगरमा बसेको मन्त्रिपरिषद्को बैठकले नीति कार्यक्रम छलफलका लागि स्वीकृति गरेको सरकारका प्रवक्ता एवं उद्योग, कृषि तथा सहकारीमन्त्री भक्तिप्रसाद सिटौलाले जानकारी दिनुभयो ।
प्रदेश प्रमुखको प्रदेशसभामा हुने नीति तथा कार्यक्रम सम्बोधनको आवश्यक सम्पूर्ण व्यवस्था मिलाउनका लागि प्रदेशसभालाई अनुरोध गर्ने निर्णय पनि भएको प्रवक्ता सिटौलाले बताउनुभयो ।
अल्पमतमा परेको मुख्यमन्त्री हिक्मतकुमार कार्कीले अध्यादेशबाट बजेट ल्याउने तयारी गर्नुभएको छ ।
प्रतिक्रिया