काठमाडौँ–नेकपा (एमाले) मधेस प्रदेशको अधिवेशन सरेको छ । असोज ५ र ६ गते अधिवेशन गर्ने भनिएको मधेसको अधिवेशन तयारी नपुगेकाले अधिवेशन सरेको हो । 

एमाले सचिवालय बैठकले असोज ५ र ६ गते तय गरेको मधेसको अधिवेशन आइतबार बसेको प्रदेश कमिटीको बैठकले  सार्ने निर्णय गरेको छ । प्रदेश कमिटीको बैठकले मधेस प्रदेशको अधिवेशन असोज २४ र २५ गते गर्ने निर्णय गरेको  प्रदेश इन्चार्ज एवं सचिव योगेश भट्टराईले बताउनुभयो । 

उहाँले पार्टी सदस्यता नवीकरण गर्ने काम भइरहेकाले अधिवेशन सार्नुपरेको बताउनुभयो । उहाँले भन्नुभयो,  ‘हाम्रो तयारी पुगेन । पार्टी सदस्यता नवीकरणको काम भइरहेको छ ।’ 

एमालेले असोजभित्र सबै प्रदेशको अधिवेशन सक्ने निर्णय गरेको छ ।