काठमाडौँ–नेकपा एमाले बागमती प्रदेश कमिटीको नयाँ नेतृत्वका लागि उम्मेदवारहरूको अन्तिम नामावली प्रकाशित गरिएको छ । एमाले बागमतीले हिजाे साँझ अन्तिम नामावली प्रकाशन गर्ने भनिएपनि आज बिहान मात्रै प्रकाशन गरेको हो ।
अन्तिम नामावली अनुसार अध्यक्षमा कृष्णप्रसाद दाहाल र कैलाश ढुङ्गेलबीच प्रतिस्पर्धा हुने भएको छ ।
यस्तै एक उपाध्यक्षका लागि ईश्वरचन्द्र पोखरेल, दावा दोर्जे लामा, नारायणप्रसाद खतिवडा र राजेन्द्र राजथला गरी चार जनाले उम्मेदवारी दिनुभएको छ ।
यस्तै सचिवमा नवराज सिलवाल र हस्तबहादुर पण्डितबीच प्रतिस्पर्धा हुने भएको छ । दुई उपसचिवका लागि ओमराज पन्त ९अच्युत०, कृष्णहरि थापा, खड्ग बहादुर पुलामी, टासी लामा, डबल पाण्डे, प्रेम बहादुर महर्जन, रमेश महर्जन, राजेन्द्र श्रेष्ठ, भक्त कुमारी लामा र रिता गौतम ढकालले उम्मेदवारी दिनुभएको छ ।
मतदान आज बिहान ८ बजेदेखि सुरु हुने भनिएपनि उम्मेदवारको सूची प्रकाशित गर्न ढिला भएपछि ११ बजेपछि मात्रै मतदान सुरु हुने जनाइएको छ ।
प्रतिक्रिया