काठमाडौँ-प्रधानमन्त्री केपी शर्मा ओलीसँग नेपालका लागि अमेरिकी राजदूत डिन आर. थोम्पसनले भेटवार्ता गर्नुभएको छ।

भेटमा नेपाल र अमेरिकाको ७७ वर्ष पुरानो कूटनीतिक सम्बन्धको बारेमा छलफल भएको राजदूतले सार्वजनिक गरेको छ। यस्तै, नेपाल र अमेरिकी सरकारका सहयोग परियोजनाबारेमा पनि छलफल भएको राजदूतले सार्वजनिक गरेको हो।

अमेरिकी राजदूतले भेट्नु अगाडि प्रधानमन्त्री ओलीसँग भारतीय तथा चिनियाँ राजदूतहरूले पनि भेटवार्ता गरिसकेका छन् ।