काठमाडौं– सर्वसम्मत् हुन चुपचाप रहेका नेताहरुले एमाले महाधिवेशन सुरु हुन तीन दिनअघि सार्वजनिकरुपमै पदाधिकारीमा तीब्र आकांक्षा देखाउन थालेका छन् ।
अध्यक्षमा भीम रावलले उम्मेदवारी घोषणा गरेलगत्तै नेताहरु चलायमान हुन थालेका छन् । घोषणा नगरे पनि अध्यक्षमा ओलीको उम्मेदवारी निर्विकल्प छ ।
अध्यक्षपछि दोस्रो वरीयताको वरिष्ठ उपाध्यक्ष पदमा शीर्ष नेताहरुले एकपछि अर्को आकांक्षा देखाउन थालेका छन् । सार्वजनिक नगरे पनि आफूनिकट नेता र सञ्चारकर्मीहरुलाई नेताहरुले वरिष्ठ उपाध्यक्षमा लबिइङ गर्न निर्देशनसमेत दिइसकेका छन् ।
वरिष्ठ उपाध्यक्षमा महासचिव ईश्वर पोखरेल र स्थायी कमिटी सदस्यद्वय रामबहादुर थापा ‘बादल’ र सुवासचन्द्र नेम्वाङको आकांक्षा तीब्र छ । सुरुवाती दिनहरुमा ईश्वर पोखरेल एक्लैको दाबी रहे पनि अहिले बादल र नेम्वाङले अध्यक्षसामु दबाब तीब्र बनाएका छन् ।
अध्यक्ष ओलीलाई पनि तीन नेता मिलाउन चर्को परेको छ । यद्यपी बालकोट स्रोतले नेतृत्वबारे अध्यक्ष ओलीले कुनै पनि नेतासँग परामर्श र ढाडस दिनुभएको छैन ।
दुई कार्यकाल महासचिव भएर विधानले नै बिदा गरेका पोखरेल, माओवादी केन्द्रबाट समायोजनमा आउनुभएका बादल र संविधान निर्माणको नेतृत्व गर्नुभएका नेम्वाङबीच कडा टक्कर भएको छ । विधानले तीनै जना नेतालाई अर्कोपटक नेतृत्वका लागि रोक्नेछ ।
अध्यक्ष ओलीलाई पनि तीन नेता मिलाउन चर्को परेको छ । यद्यपी बालकोट स्रोतले नेतृत्वबारे अध्यक्ष ओलीले कुनै पनि नेतासँग परामर्श र ढाडस दिनुभएको छैन ।
तीन नेताबाहेक सर्वसम्मत बनाउनुपर्ने अवस्थामा भने भीम रावल, अष्टलक्ष्मी शाक्यसमेत उपाध्यक्षको दौडमा मिसिँदा झन् सकस हुने निश्चित छ । रावलले वरिष्ठ उपाध्यक्ष सुरक्षित गर्न सके अध्यक्षको उम्मेदवारी घोषणा स्वतः निष्क्रिय हुने अनुमान निकटवर्तीहरुले गरेका छन् ।
दाबीका आधार
पोखरेलले दुई कार्यकाल महासचिव भएर संगठनको नेतृत्व गरेको र अध्यक्ष ओलीपछि पार्टीमा आफू नै वरिष्ठ भएकाले आफ्नो दाबी स्वभाविक रहेको बताउनुभएको छ । उहाँले क्षमता, निष्ठा, इतिहास र निरन्तरताका आधारमा एमालेको अध्यक्षका लागि नेता हुनका लागि आफू योग्य रहेको बताउनुभएको थियो ।
‘व्यक्तिगत ढंगले भने मेरो हिस्ट्री, मेरो निरन्तरता, मेरो क्षमता म डिजर्भ गर्छु भनिरहनै परेन,’ उहाँको भनाइ थियो । एकथरीले अध्यक्षमा नै दाबी गर्न भने पनि पोखरेलले त्यसो गर्दा अन्तिम कार्यकाल पदाधिकारी बाहिर रहने निश्चित भएकाले वरिष्ठ उपाध्यक्ष नै रोज्नुभएको हो ।
नेकपाबाट दुई पार्टी अलग भएपछि एमालेलाई कतिपय माओवादी केन्द्रका नेताहरुले नेकपाको निरन्तरताकारुपमा बुझेका छन् । नेकपाकालमा ओलीपछिको वरीयतामा प्रचण्ड रहेको र उहाँ अलग भएकाले त्यस वरीयतामा माओवादी केन्द्रका सिनियर नेता बादल हुनुपर्ने आवाज पनि उत्तिकै छ । अझ नेकपाकालदेखि पछिल्ला दिनहरुमा ओलीको नेतृत्व र अभियानलाई सफल बनाउन आफूले पिल्लरको काम गरेको बादलको बुझाइ छ । सार्वजनिक नगरे पनि वरिष्ठ उपाध्यक्ष हुनेमा बादल ढुक्क रहनुभएको छ ।
कुनै समय भावी अध्यक्षकोरुपमा हेरिनुभएका नेम्वाङको आकांक्षा पनि सेकेन्ड म्यानमा तीब्र देखिन थालेको छ । वरिष्ठ उपाध्यक्ष जसरी पनि हुनैपर्ने गरी नेम्वाङका दिनहरु बितिरहेका छन् । उहाँले नेपाली बहससँग आज बिहान भन्नुभयो, ‘अध्यक्ष केपी ओली नै हो, उपाध्यक्षमा चुनाव लड्ने कुरा भएन ।’
प्रतिक्रिया