२८ फागुन, शुक्रबार नेकपा एमालेको केन्द्रीय कमिटीको बैठकले पार्टी अध्यक्ष तथा महासचिवबाहेकका सबै पदाधिकारी पद खारेज गर्ने निर्णय गरेको छ । यो निर्णयप्रति माधवकुमार नेपाल पक्ष भने असन्तुष्ट छ । माधव पक्षको सहभागिताबिना जिम्मेवारी बाँडफाँड गर्दा एमालेमा विवाद बढ्ने देखिएको छ । यसैबीच एमालेमा देखिएको विवाद कसरी साम्य पार्न सकिन्छ भन्ने सन्दर्भमा पार्टी महासचिव ईश्वर पोखरेलसँग नेपाली बहसका प्रधान सम्पादक चेतन अधिकारीले कुराकानी गर्नुभएको छः

…

आज नेकपा (एमाले)ले अध्यक्ष र महासचिव बाहेकका सबै पदाधिकारीको पद किन खारेज गरिएको हो ?
हालको केन्द्रीय कमिटीलाई महाधिवेशन आयोजक कमिटी बनाउने, महाधिवेशन नगर्ने भन्ने पहिलेकै निर्णय हो । मंसिर २ देखि ६ गतेसम्म १० औँ महाधिवेशन गर्ने भन्ने प्रस्ताव हो । केन्द्रीय कमिटीको बैठक चैत सात गते हुन्छ । विधान संशोधनको व्यवस्था छ । त्यो बाधा अड्काउ फुकाउ मात्र हो ।

त्यो बाधा अड्काउ फुकाउका लागि निश्चित विधानका प्रावधानहरूलाई बाधा अड्काउ फुकाउने गरी गरिएको छ । त्यो भनेको आयोजक कमिटी बनाउने । त्यो आयोजक कमिटीमा अध्यक्ष महासचिव त रहने भए आवश्यकताअनुसार अन्य पदाधिकारी पनि राख्न सकिने भन्ने खालको कुरा हो । आयोजक कमिटी औपचारिक घोषणा भइसककेको छैन । तर बनाउने भन्ने विधानमा संशोधन गरिएको छ ।

एमाले माओवादी एकताका बेला खोसिएको महासचिव पद तपाईंले फेरि प्राप्त गर्नुभएको छ । के अब तपाईंलाई एमालेको भावी नेतृत्वको रूपमा हेर्न थालिएको हो ?
मलाई यसमा धेरै भन्नु छैन । त्यो कुरा मेरो विगतको इतिहास, पार्टीप्रति निर्वाह गरेको भूमिका, वर्तमानमा मैले उठाएका विषय र मेरो भूमिकालाई आम नेताकार्यकर्ताले मूल्यांकन गर्ने कुरा हो ।

तपाईं सुरुदेखि नै पार्टी एकताको विपक्षमा मत राख्नुहुन्थ्यो । यो विषयमा अब चाहिँ तपाईंको मत के छ ?
आम कार्यकर्ताको चाहना, पार्टीको आवश्यकताको आधारमा पार्टी एकता हो । तर, मैले सुरुदेखि नै भन्दै आएको कुरा के हो भने एकता गर्दा केही राँटाहरू छोडिएका छन् । जस्तैः एकता चाहिँ कतिपय अवस्थामा परिपक्व नबनिकन विचारलाई व्यवस्थित गर्ने, संगठनलाई व्यवस्थित गर्ने, नेतृत्वलाई व्यवस्थित गर्ने भन्ने कुराको स्पष्ट योजनाबिना त्यो एकता भएको कारणले परिणाम यस्तो भएको हो । लिडरसिपमा बसेका विभिन्न सेक्टरहरूको आग्रहबाट प्रेरित भए । जस कारणले पार्टी एकता निष्कर्षमा पुग्न सकेन । त्यो आग्रह कुन–कुन स्वरूपमा प्रकट भयो त्यो आफ्नो ठाउँमा छ । तर देश र पार्टीगत स्वार्थभन्दा आग्रह हावी भयो । त्यो आग्रह समूहगत रूपमा हावी भयो । जसकारण एकतालाई समेत अफ्ठेरो पर्‍यो । जे होस् अदालतको फैसलाले अहिले एउटा स्थिति आएको छ । अब यसलाई टेकेर आन्दोलनलाई नयाँ उचाइ प्रदान गर्ने, पार्टीलाई नयाँ ढंगले अगाडि बढाउने काममा लाग्नुपर्ने जरुरी हुन्छ ।

पार्टी अध्यक्ष, प्रधानमन्त्रीलाई साधारण सदस्यताबाट समेत निश्कासन गर्ने निर्णय त सुनाइसकेको हो नि । त्यो हेरेर आजको निर्णय के तरंगित गर्ने खालको छ र ? अहिले त कसैलाई हटाएको होइन । चैत ७ गतेको बैठकमा अनिवार्य उपस्थितिका लागि म निम्ता गर्छु । त्यसकारण कसैलाई निश्कासन त गरेको छैन । उहाँहरूले त हिजो साधारण सदस्य समेत नरहने गरी भनेर हटाएको होइन ? संसदीय दलको नेता, उपनेताबाट हटाएको हैन ?

आज तपाईंहरूले गरेको निर्णयले एमालेमा झन् धेरै विवाद बढ्ला जस्तो देखिन्छ नि ?
हाम्रो पार्टीमा विवाद त के बाँकी रह्यो र ? पार्टी अध्यक्ष, प्रधानमन्त्रीलाई साधारण सदस्यताबाट समेत निश्कासन गर्ने निर्णय त सुनाइसकेको हो नि । त्यो हेरेर आजको निर्णय के तरंगित गर्ने खालको छ र ? अहिले त कसैलाई हटाएको होइन । चैत ७ गतेको बैठकमा अनिवार्य उपस्थितिका लागि म निम्ता गर्छु । त्यसकारण कसैलाई निश्कासन त गरेको छैन । उहाँहरूले त हिजो साधारण सदस्य समेत नरहने गरी भनेर हटाएको होइन ? संसदीय दलको नेता, उपनेताबाट हटाएको हैन ? जुन एउटा गलत तरिका अपनाइयो, पार्टीले आफैँ कमजोर बनाएर खासगरी विरोधीहरूलाई सघाउने हिसाबले काम गरियो । त्यो अक्षम्य छ नि । यतिबला विगतमा भएका गल्तीकमजोरी सच्याएर अघि बढ्नु पर्ने आत्माआलोचित हुन पर्ने आवश्यकता छ । रणनीतिक योजना बनाएर अदालतको फैसलापछि पार्टी त अलग अलग गरियो । पार्टी अलग अलग भइसकेपछि अब के गर्ने भन्दा जो–जो जहाँ–जहाँ छौं त्यहीँ ठाउँबाट कमजोर बनाउने, हमलालाई नयाँ शिराबाट पुनसंगठित गर्ने खालको रणनीति हो भनेर बुझ्नु पर्दछ ।

पार्टीभित्रको आन्तरिक विवाद तीव्र भएका कारण एमालेका आमकार्यकर्ता धेरै चिन्तित छन् । यस्तो बेला कार्यकर्ताको मनोबल बढाउने गरी महासचिवको सन्देश के छ ?
मेरो सन्देश के छ भने हाम्रो राजनीतिक जीवनमा जुन किसिमको घटना भए यसबाट गम्भीर शिक्षा लिएर आन्दोलनलाई नयाँ ढांगले उठाउनु पर्ने, पार्टीलाई नयाँ ढंगले अघि बढाउनु पर्ने आवश्यकता छ । हामी त्यो काममा जुटौँ । विगतमा विभिन्न ढंगले आफ्ना गल्ती कमजोरीहरू भएका छन् भने पनि आत्मसमक्षीक भएर अघि बढ्नु पर्दछ । वास्तवमा मानिसहरूबाट नै कमजोरी गल्ती हुन्छन् । ती गल्तीलाई सच्याएर अगाडि बढ्नुपर्छ । त्यो नै हामी सबैको लागि कल्याण हो । त्यसकारणले हिजो जुन खालको एउटा कुरा भयो विरोधीहरूलाई हँसाउने र हामी आफैँलाई कमजोर बनाउने कुरा भयो । जब कि त्यस्तो नहुनु पर्दथ्यो । विगतका कमीमजोरीलाई सच्याएर आत्मसमीक्षक भएर अगाडि बढ्नुपर्छ । आन्दोलन पार्टीलाई नयाँ ढंगले अगाडि बढाउनुपर्छ भन्ने आवश्यकता छ ।

यो पनि पढ्नुहोस्

• एमाले केन्द्रीय सदस्य बनेका २३ पूर्वमाओवादी नेताहरू [सूचीसहित]

• एमाले पार्टी प्रवक्ताको जिम्मेवारी प्रदीप ज्ञवालीलाई

• एमालेको केन्द्रीय कमिटी २६४ सदस्यीय, अर्को बैठकले जिल्ला इन्चार्ज तोक्ने

• बादलसहित माओवादीका २३ नेता एमालेको केन्द्रीय सदस्यमा मनोनित

• एमालेले तोक्यो सातै प्रदेशमा इन्चार्ज

• एमालेको दशौँ महाधिवेशन मंसिर २ देखि ६ गतेसम्म गर्ने निर्णय