काठमाडौं– गण्डकी प्रदेशका मन्त्री दीपक मनाङ्गेले राजनीतिक भेटवार्ता भन्दै माओवादी केन्द्रका अध्यक्ष प्रचण्ड, कांग्रेस सभापति शेरबहादुर देउवाको फोटो शेयर गरेपछि प्रतिटिप्पणी सुरु भएको छ ।

प्रधानमन्त्रीका प्रेस सल्लाहकार सूर्य थापाले पनि मनाङ्गेको भेटबारे यस्तो लेख्नुभएको छ–

…..

“रत्नाकर डाँकु” वाल्किकी भएर-बुढानिलकण्ठ, टोखा र खुमलटार दरबारमा साक्षात् दर्शनभेट दिन आएको अपूर्व क्षण । हामी यसरी नै पो स्वर्गतिर जाँदैछौं, नर्कको बाटो भएर ?
“अमरेश पुरी” को हुलियावालाले जनमतविपरित ह्वाँकै कृपामा मुख्यमन्त्री प्राप्त गर्नुभएको सफलता जो हासिल भयो – गण्डकी तटमा !
एमालेलाई हटाउन निर्णायक सहयोग गरेकोमा ह्वाँको हामी तीन पूर्व प्रधानमन्त्रीकहाँ उच्च प्रशंसा, स्वागत र हाईहाई त गर्नैपरो ! र, समवेत् श्वरमा गाउनै परो
“सलल बग्यो गण्डकी
आज यहाँ छौं, भोलि त कहाँ हो कहाँ?
यस्तै छ हाम्रो जिन्दगी !!”