उदयपुर-उदयपुरको त्रियुगा नगरपालिका वडा-१२ को अध्यक्षमा नेपाल कम्युनिष्ट पार्टी माओवादी केन्द्रका नविनकुमार वान्तवा राई निर्वाचित हुनुभएको छ। आइतबार सम्पन्न उपनिर्वाचनमा उहाँले ९२३ मत प्राप्त गर्नुभएको निर्वाचन आयोगले जनाएको छ।

उहाँका निकटतम प्रतिद्वन्द्वी नेपाल कम्युनिष्ट पार्टी एमालेका लक्ष्मी नारायण चौधरीले छ सय आठ मत पाउनुभयो। आयोगका अनुसार नेपाली कांग्रेसका सञ्जीव काफ्लेले ३५९, नेपाल कम्युनिष्ट पार्टी एकीकृत समाजवादीका निर्मला चौधरीले ३१२, राष्ट्रिय स्वतन्त्र पार्टीका ध्रुवप्रसाद पोखरेलले दुई सय दुई, स्वतन्त्र उम्मेदवार बजरङ्गीकुमार दासले ३०, जनमत पार्टीका प्रमोद मलाहा सहनीले २०, राष्ट्रिय प्रजातन्त्र पार्टीका लालबाबु साहले १७ र नागरिक उन्मुक्ति पार्टीका चन्द्रकला चौधरीले सात मत पाउनुभएको आयोगले जनाएको छ।