काठमाडौं-नेकपा एमालेका उपमहासचिव प्रदीप ज्ञवालीलाई कार्यवाहक महासचिवको जिम्मेवारी तोकिएको छ।

एक हप्तासम्म जापानमा हुने विभिन्न कार्यक्रममा सहभागी हुने सन्दर्भमा गएराति एमाले महासचिव शंकर पोखरेलले जापान प्रस्थान गर्नुभएको छ।

प्रवासी नेपाली मञ्चको कार्यक्रममा जापान प्रस्थान गर्नुभएपछि एमाले महासचिव शंकर पोखरेलले उपमहासचिव ज्ञवालीलाई कार्यवाहक महासचिवको जिम्मेवारी तोकेका कार्यालय सचिव डा. भीष्म अधिकारीले जानकारी दिनुभयो।

डा.अधिकारीका अनुसार नेपालको विकासमा प्रवासी नेपालीको योगदान विषयक अन्तरक्रिया कार्यक्रमसहित मञ्चले आयोजना गर्ने विभिन्न कार्यक्रममा महासचिव पोखरेल सहभागी हुनुहुनेछ।