अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +९७७-९८५११०७८२४
News: [email protected]

एमाले वाग्मती प्रदेश कमिटीका सदस्यलाई प्रशिक्षक बनाउन बन्द प्रशिक्षण

एमाले वाग्मती प्रदेश कमिटीका सदस्यलाई प्रशिक्षक बनाउन बन्द प्रशिक्षण


काठमाडौं । नेकपा एमालेले वाग्मती प्रदेश कमिटीले पार्टीका नीति र कार्यक्रमका बारेमा प्रशिक्षण दिने नेता तयार गर्न बन्द प्रशिक्षण सञ्चालन गरेको छ।

नेकपा एमाले वाग्मती प्रदेश कमिटीको आयोजनामा प्रशिक्षण राखिएको हो । प्रशिक्षणको पहिलो दिन दिन नेकपा एमालेको उपमहासचिव तथा स्कुल विभाग प्रमुख प्रदीप ज्ञवाली, स्थायी कमिटी सदस्य तथा वाग्गमती प्रदेश इन्चार्ज डा.राजन भट्टराई, स्कुल विभाग सदस्य डा.रमेश भट्टराईले प्रशिक्षण दिनुभएको थियो । यो प्रशिक्षण २७ गतेसम्म चल्नेछ ।

पाँच दिने प्रशिक्षण कार्यक्रमको दोस्रो दिन पार्टी उपाध्यक्ष युवराज ज्ञवाली, पार्टी अनुशासन आयोग अध्यक्ष केशव बडाल, स्कुल विभाग सदस्य सृजना काफ्ले, वाईपी आचार्यले प्रशिक्षण दिनुभएको नेकपा एमाले वाग्मती प्रदेश कमिटी उपसचिव एवं प्रचार तथा प्रकाशन विभाग प्रमुख भक्तकुमारी लामाले जानकारी दिनुभयो ।

ज्ञवालीले नेपालमा कम्युनिष्ट पार्टीको इतिहास, बडालले पार्टीमा अनुशासन, काफ्लेले व्यवस्थापन सिप र कला तथा आचार्यले विज्ञान प्रविधिको नवीनतम विकास र मुलुकको समृद्धि वा उपयोगका विषयमा प्रशिक्षण दिनुभएको उहाँले बताउनुभयो ।