अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +९७७-९८५११०७८२४
News: [email protected]

अमेरिकी क्लब मियामीमा जाँदै मेसी

अमेरिकी क्लब मियामीमा जाँदै मेसी


काठमाडौँ-अर्जेन्टिनी स्ट्राइकर लियोनल मेसी अमेरिकी क्लब इन्टर मियामीमा आबद्ध हुने भएका छन् । फ्रान्सेली क्लब पेरिस सेन्ट जर्मन (पीएसजी) छाडेका ३५ वर्षीय मेसीले अमेरिकी क्लब मियामी जाने निर्णय लिएका हुन् ।

मेसीले मियामीसँग मौखिक सहमति गरेको समाचारमा जनाइएको छ । अर्जेन्टिनी राष्ट्रिय टोलीका कप्तानसमेत रहेका मेसीले सन् २०२१ मा पीएसजीसँग दुई वर्षका लागि सम्झौता गरेका थिए । पीएसजीसँग मेसीको सम्झौता यसै सिजन सकिएको हो ।

मेसीले पीएसजीका लागि सबै प्रतियोगितामा ७४ खेल खेल्दै ३२ गोल गरेका थिए । मेसीकै कप्तानीमा अर्जेन्टिनाले कतार विश्वकपको उपाधि पनि चुमेको थियो । पीएसजी छाडेपछि मेसी साउदी अरेबियाको ब्यवसायीक लिग वा पुनः बार्सिलोनामा आबद्ध हुने चर्चा पनि चलेको थियो ।

‘मैले युरोपेली लिग छाडेर मियामीमा आबद्ध हुने निर्णय लिएको छु,’ मेसीले सञ्चारकर्मीसँगको कुराकानीमा भनेका छन् ।-एजेन्सी