काठमाडौँ– प्रेस चौतारी नेपालले यस वर्षको हृदयचन्द्रसिंह प्रधान स्मृति पत्रकारिता पुरस्कार अन्नपूर्ण पोस्टका प्रधान सम्पादक अखण्ड भण्डारीलाई प्रदान गर्ने भएको छ । 

यस्तै अग्निशिखा स्मृति पत्रकारिता पुरस्कार सिन्धुपाल्चोकका पत्रकार माधव नेपाललाई दिने चौतारीले निर्णय गरेको हो । अन्नपूर्ण पोस्टकै रौतहट संवाददाता फणिदेव महत वीरेन्द्रकुमार साह क्रियाशील पत्रकारिता पुरस्कारका लागि चयन हुनुभएको छ ।  

यस्तै डेकेन्द्र थापा स्मृति पत्रकारिता पुरस्कारबाट रुकुमपूर्वका महेश केसी, चन्द्र न्यौपाने शान्तिराम कार्की स्मृति पत्रकारिता पुरस्कार रामेछापकी यसिमा महत र सावित्रीदेवी– पद्मलक्ष्मी बस्नेत स्मृति पत्रकारिता पुरस्कार काभ्रेकी काजल तामाङलाई प्रदान गरिने भएको छ। 

पत्रकार गोविन्द पोखरेलको संयोजकत्वमा चौतारीका महासचिव हिरामान लामा र सचिव हरिबल्ल्भ नेपालको निर्णायक मण्डलले विभिन्न चरणमा बैठक गरी उक्त पुरस्कार छनोट गरेको हो । पुरस्कार संगठनको २६औँ स्थापना दिवसमा माघ २२ गते प्रदान गरिने अध्यक्ष गणेश बस्नेतले जानकारी दिनुभयो ।