काठमाडौं- प्रधानमन्त्री केपी शर्मा ओलीले आमालाई पृथ्वीको संज्ञा दिनु भएको छ ।
मातातिर्थ औंशीका अवसरमा सामाजिक सञ्जाल मार्फत सम्पूर्ण आमाहरुलाई शुभकामना दिंदै प्रधानमन्त्री ओलीले आमा पृथ्वीको प्रत्यक्ष स्वरुप भएकोले सबै आमाप्रति समर्पण र कृतज्ञताको भाव अझ बढेर जाओस भन्ने शुभकामना दिनुभएको छ ।
प्रधानमन्त्री ओलीले आफूले चार वर्षकै उमेरमा आमा गुमाउनु परेकोले आमाको अनुहार धमिलो मात्र सम्झनामा रहेको उल्लेख गर्नुभएको छ । उहाँले जन्मभूमि नै आमाको प्रतिरुपको रुपमा रहेको उल्लेख गर्नुभएको छ । सामाजिक सञ्जालमा उहाँले लेख्नुभएको छ मेरो स्मृतिमा आमाको अनुहार त्यति स्पष्ट छैन,किनभने चार वर्षको नहुँदै मैले आमाको न्यानो काख गुमाएँ । मेरा लागि जन्मभूमि नै आमाको प्रतिरुप बन्यो ।