विराटनगर-कोशी प्रदेश सरकारले आठ पत्रकारलाई पुरस्कृत गरेको छ। राष्ट्रिय पत्रकारिता दिवसको अवसरमा कोशीका मुख्यमन्त्री हिक्मतकुमार कार्कीले पत्रकारलाई पुरस्कार प्रदान गरेका हुन् ।

प्रादेशिक पत्रकारिता पुरस्कारबाट पुरस्कृत हुने पत्रकारमा शेखर रेग्मी, शिद्धराज राई, गोपाल दाहाल, विवेक गौतम, मनोज श्रेष्ठ, रेजिना गौतम, सन्तोष रुचाल र श्यामसुन्दर सुतिहार रहेका छन्। 

आन्तरिक मामिला तथा कानुन मन्त्रालयले राष्ट्रिय पत्रकारिता दिवसको अवसरमा २०७५ सालदेखि पुरस्कार प्रदान गर्दै आएको छ। पत्रकारहरूलाई जनही एक लाख रुपैयाँसहित पुरस्कार प्रदान गरिएको हो।