झापा– झापाको दमकमा कोरोनाबाट एकजनाको ज्यान गएको छ ।

दमक ८ घर भएका ९२ वर्षीय एक पुरुषको कोरोनाको उपचारका क्रममा मृत्यु भएको दमक नगरपालिकाका कोभिड फोकल पर्सन कुवेर भट्टराईले जानकारी दिनुभयो । उहाँको विराटनगरको कोशी अस्पतालमा शनिबार राति उपचारका क्रममा मृत्यु भएको हो ।

कोरोनाको दोस्रो लहर फैलिएपछि झापामा यस अघि एक महिलाको मृत्यु भएको थियो । दमकमा हाल ६ जना सक्रिय संक्रमित रहेको भट्टराईले जानकारी दिनुभयो ।