काबुल– अफगानिस्तानको राजधानी काबुल शहरमा विद्रोही तालीबानी लडाकूहरू प्रवेश गर्न थालेपछि राष्ट्रपति असरफ घानीले आपतकालीन बैठक बोलाउनुभएको छ ।

उहाँले नेटोका अधिकारीहरूसँग वार्ता थाल्नुभएको हो । राष्ट्रपति घानीले शनिबार एक वक्तव्यमा देश गम्भीर संकटमा परेको बताउनुभएको थियो । अफगानिस्तानको सुरक्षा मजबुद बनाउनका लागि सेनालाई संगठित बनाइने राष्ट्रपति घानीले बताउनुभएको थियो ।

आइतबार बिहानैदेखि तालीबानीहरू काबुलमा घुस्न थालेपछि त्यहाँको संकट थप गहिरिएको छ । तालीबानीहरूले काबुल बाहेकका शहरहरू कब्जामा लिइसकेका छन् ।