गोरखा – नेकपा माओवादी केन्द्रका अध्यक्ष पुष्पकमल दाहाल (प्रचण्ड) शुक्रबार गोरखामा अगुवा कार्यकर्ता प्रशिक्षणका क्रममा रोएकाछन्।
चितवनमा चुनाव हार्ने भएसँगै गोर्खा-२ मा उम्मेदवारी दिनुभएका प्रचण्ड आज आयोजित निर्वाचन केन्द्रित प्रशिक्षण कार्यक्रम डाँको छोडेर रोनु भएको हो । सो कार्यक्रममा बोल्दै प्रचण्डले आफूमा विचलन आएको स्वीकार्नुभयो ।
चीनमा माओत्सेतुङ चिङ्कासाङ फर्किएको उदाहरण दिँदै आफू गोर्खामा सुध्रिन आएको र मौका दिन आएको भन्दै डाँको छोडेर रोएका हुन् ।
२२ वर्ष अघि आफू गोरखामा आएर युद्धको योजना निर्माण गरेको र ४० वर्षपछि फेरी गोरखा नै आउनुपरेको दाहालले बताउनुभयो ।
प्रचण्डले यसअघि पनि पटक पटक कार्यक्रमहरूमा रोएर नाटक गर्ने गर्नुहुन्थ्यो । यस पटकको रुवाइ प्रचण्डको हारको मानसिकता भएको प्रत्यक्षदर्शी एक कार्यकर्ताले बताउनु भयो । ‘आजसम्म प्रचण्ड यति निराश भएका आजसम्म हामीले देखेका थिएनौँ, शायद प्रचण्डले बुझिसके यस पटक जितिन्न ।’
उता प्रचण्ड विरुद्घ मैदानमा उत्रिएका एमालेका उम्मेदवार अब्दुश मिँयाले गोरखाबाट प्रचण्डलाई यस पटक हराइने उद्घोष गर्नुभएको छ । प्रचण्डलाई राजनीतिक अस्थिरताको मुख्य कारक भन्दै मिँयाले यस पटक गोरखालीहरुले जसरी पनि हराइदिने बताइने समाजिक संजालबाटै बताउनुभएको हो ।
प्रतिक्रिया