काठमाडौँ-काठमाडौँस्थित बालुवाटारमा गोली चलेको छ । बालुवाटारमा रहेको नेकपा माओवादी केन्द्रका नेता वर्षमान पुनका दाइको घरमा गोली चलेको हो । 

प्रहरीका अनुसार शुक्रबार राति साढे ९ बजे गोली चलेको हो । प्रहरीका अनुसार खुट्टामा गोली लागेकी पुनकी आमाको ट्रमा सेन्टरमा उपचार हुँदै छ ।

गोली चलाउने प्रहरीलाई राति १ बजे नियन्त्रणमा लिइएर प्रहरी प्रधान कार्यालयमा अनुसन्धान थालिएको प्रहरीले जनाएको छ । 

प्रहरीका अनुसार गोली चलाउने व्यक्ति कामु प्रधानन्यायाधीशको सुरक्षामा खटिएका प्रहरी हुन् । गोली चलाउने प्रहरी हवल्दार प्रकाश पुन मगर नेता पुनका नातेदारसमेत हुन् ।