काठमाडौँ-रोल्पाको माडी गाउँपालिका-४ परेवा छहरामा जीप दुर्घटना हुँदा ११ जना घाइते घाइते भएका छन्। घर्ती गाउँबाट तालावाङ जाँदै गरेको लु १ ज ३२५२ नम्बरको जीप दुर्घटना भएको हो।
घाइतेहरूको उद्धार गरी उपचारका लागि अहिले अस्पतालतर्फ पठाइएको जिल्ला प्रहरी कार्यालय रोल्पाले जानकारी दिएको छ। जीप सडकबाट करीब ४ सय मिटर तल खसेको जानकारी दिएको छ।
घटनाको विस्तृत विवरण भने आउन बाँकी रहेको प्रहरीले जनाएको छ। केहीको मृत्यु भएको आशंका गरिएको छ।
प्रतिक्रिया