अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +९७७-९८५११०७८२४
News: [email protected]

क्यान्सरलाई रोकथाम गर्न सकिन्छ: प्रधानमन्त्री ओली

क्यान्सरलाई रोकथाम गर्न सकिन्छ: प्रधानमन्त्री ओली


काठमाडौँ-प्रधानमन्त्री केपी शर्मा ओलीले रोग व्याधिबाट मुक्त समाज निर्माण गर्न चाहेको बताउनुभएको छ ।  पाठेघरको मुखको क्यान्सरविरुद्धको एचपीभी खोप अभियानको मंगलबार शुभारम्भ समारोहलाई सम्बोधन गर्दै प्रधानमन्त्री ओलीले मानव जातिको भविष्यलाई सुखमय भविष्य, सम्मृद्धिमय, अभावमुक्त र रोग व्याधिबाट भरसक मुक्त समाज बनाउन चाहेको बताउनु भएको हो।

प्रधानमन्त्री ओलीले फागुन ६ गतेसम्म चल्ने यस वर्षको एचपीभी खोप अभियानलाई देशव्यापी रुपमा सञ्चालन हुने बताउनुभयो। प्रधानमन्त्री ओलीले यस अभियानले नेपालको स्वास्थ्य क्षेत्रमा उल्लेख्य प्रगति गर्ने विश्वास व्यक्त गर्नुभयो।

प्रधानमन्त्री ओलीले क्यान्सरको रोकथाम नै हुँदैन भन्ने धारणा सत्य नभएको भन्दै क्यान्सरलाई पनि रोकथाम गर्न सकिने बताउनुभयो। ‘जसमध्ये पाठेघरको मुखको क्यान्सर जनस्वास्थ्य समस्या नरहनेगरी आज हामीले प्रारम्भ गरेका छौ’, प्रधानमन्त्री ओलीले भन्नुभयो, ‘हामीले निरोगी नेपालको नारा दिएका छौ ।’

प्रधानमन्त्रीले मानिस बिरामी नै हुन नपरोस् भन्नका लागि व्यापक प्रयास गरिने भन्दै त्यसका लागि आहार बिहार र आरामको सन्तुलन मिल्नुपर्ने बताउनुभयो। ‘पाचन प्रणालीको स्वास्थ्यताले मानिस स्वस्थ हुन्छ’, प्रधानमन्त्रीले आहारको कुरा पेट भर्नमात्र नभएर स्वस्थ हुनुपर्ने बताउनुभयो ।