काठमाडौँ-प्रतिनिधि सभाका सभामुख देवराज घिमिरेले संसदीय समितिका सभापतिहरूसँग छलफल गर्नुहुने भएकाे छ। सोमबार दिउँसो २ बजे नयाँ बानेश्वरस्थित संसद भवनको शङ्कर हलमा सभापतिहरूसँग छलफल राखिएको सभामुखको सचिवालयले जनाएको छ। 

समितिमा रहेका विधेयकको अवस्थाका बारेमा सभामुखले समिति सभापतिहरूसँग छलफल गर्न लागेको बुझिएको छ ।

संसदीय समितिमा हाल ११ वटा विधेयक दफावार छलफलका क्रममा छन्। जसमा विद्यालय शिक्षा विधेयक २०८०, विद्युत् विधेयक २०८०, निर्माणमुखी सामग्री (व्यवस्थापन तथा नियमन) विधेयक २०८०, बैंक तथा वित्तीय संस्था सम्बन्धी (पहिलो संशोधन) विधेयक २०८०, निकासी पैठारी नियमन विधेयक,नेपाल नागरिक उड्डयन प्राधिकरण विधेयक, नेपाल हवाई सेवा प्राधिकरण विधेयक,सशस्त्र प्रहरी बल नेपाल विधेयक २०८१, नेपाल प्रहरी विधेयक, आर्थिक कार्यविधि तथा वित्तीय उत्तरदायित्व पहिलो संशोधन विधेयक, धितोपत्र सम्बन्धी पहिलो संशोधन विधेयक रहेका छन्।