अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +९७७-९८५११०७८२४
News: [email protected]

पाँच महिनामा २१ अर्ब विदेशी लगानी स्वीकृत

पाँच महिनामा २१ अर्ब विदेशी लगानी स्वीकृत

appharu

काठमाडौं । चालू आर्थिक वर्ष ( २०७७–७८) को पाँच महिनामा उद्योग विभागमार्फत २१ अर्ब ११ करोड रुपैयाँ बराबरको प्रत्यक्ष वैदेशिक लगानी ( एफडीआई) स्वीकृत भएको छ ।

विभागकाअनुसार स्वीकृत भएको यस रकमबाट १०८ नयाँ उद्योग स्थापना हुने खबर कारोबार दैनिकमा छ ।

अघिल्लो आर्थिक वर्षको सोही अवधिको तुलनामा भने चालु वर्षको विदेशी लगानी २२.९ प्रतिशत कम हो ।

गत वर्षको सोही अवधिमा २७ अर्ब ३८ करोड रुपैयाँ लगानी प्रतिवद्धता आएको थियो ।

विभागको तथ्यांकअनुसार आर्थिक वर्ष २०७४–७५ को पहिलो पाँच महिनामा १३ अर्ब १४ करोड लगानी प्रतिवद्धता आएकोमा आर्थिक वर्ष २०७५–७६ मा ९ अर्ब ६१ करोडमा सीमित भएको थियो ।

त्यसैगरि आर्थिक वर्ष २०७६–७७ मा २७ अर्ब प्रतिवद्धता आउँदा अघिल्लो वर्षको तुलनामा १८४ प्रतिशत बढी भएको थियो ।