काठमाडौं– नेकपा संसदीय दलको बैठक आज बस्दै छ ।
मन्त्रिपरिषद्को सिफारिसमा राष्ट्रपति विद्यादेवी भण्डारीले फागुन २३ गतेका लागि प्रतिनिधि सभा बैठक आव्हान गर्नुभएको छ । सोही बैठकबारे छलफल गर्न नेकपाले संसदीय दलको बोलाएको हो ।
नेकपाका प्रमुख सचेतक विशाल भट्टराईका अनुसार मूलधारबाट छुट्टिएर गएको प्रचण्ड समूहका सांसद्लाई पनि बैठकमा सहभागी हुन एसएमसमार्फत आग्रह गरिएको छ । नेकपा कानुनी रूपमा विभाजन नभएकाले बैठकमा सहभागी हुन भनिएको बताइएको छ ।
प्रतिनिधि सभा विघटन गर्ने पुस ५ को निर्णय फागुन ११ गते बदर गर्दै सर्वोच्च अदालतले १३ दिनभित्र प्रतिनिधि सभा बोलाउन आदेश दिएको थियो । सरकारले त्यसको कार्यान्वयन गर्दै बैठकका लागि राष्ट्रपति समक्ष सिफारिस गरेको हो ।
प्रतिक्रिया