बुटवल- लुम्बिनी प्रदेश सभाको विशेष अधिवेशन वैशाख १९ गते बस्ने भएको छ । प्रदेश सभाका सूचना अधिकारी दिनेश अधिकारीका अनुसार प्रदेश प्रमुखको कार्यालयबाट आज आएको पत्रमा वैशाख १९ गतेको लागि बैठक आह्वान गरिएको हो ।
‘आज पत्र आएको छ । हामीले मैखिक रुपमा दलको सचिवालयमा जनाकारी गराएका छौँ । आज सभामुख नआएकोले तोक लगाएर भोलि औपचारीक रुपमा सूचना प्रकाशित गर्ने छौँ,’ अधिकारीले भन्नुभयो ।
माओवादी र नेपाली कांग्रेससहितका दलहरूले वैशाख ६ गते प्रदेशसभामा मुख्यमन्त्री शंकर पोखरेलविरुद्ध अविश्वासको प्रस्ताव दर्ता गरेसँगै विशेष अधिवेशनको माग पनि गरेका थिए ।
अविश्वासको प्रस्ताव दर्ता भएकै दिन समाजवादी पार्टीका चार जना सांसद मन्त्री बन्नु भएको छ ।
प्रतिक्रिया