काठमाडौँ – राष्ट्रपति विद्यादेवी भण्डारीले शुभसाइतमै टीका तथा प्रसाद ग्रहण गर्नुभएको छ।

विजया दशमीको दिन राष्ट्रपति भवनमा आयोजित टीका कार्यक्रममा राष्ट्रपतिले हुनुमान ढोकाका मूलपूजारी देवराज अर्याल र राष्ट्रपति कार्यालयका मूलपूजारी खेमचन्द्र ढकालबाट शुभसाइतमै टीका तथा प्रसाद ग्रहण गर्नु भएको हो ।

टीका कार्यक्रममा उहाँले आफ्ना छोरी, ज्वाइँ, नातिनी, आफन्त र सुरक्षाकर्मीलाई टीका तथा प्रसाद लगाई दिनु भएको थियो ।

राष्ट्रपति कार्यालयले तयार गरेको कार्यतालिकाअनुसार व्यवस्थापिका, कार्यपालिका, न्यायपालिकाका प्रमुख, मन्त्रिगण, प्रदेश प्रमुख, न्यायाधीश, सांसद, संवैधानिक निकायका पदाधिकारी एवं विशिष्ट व्यक्तित्वलाई आज दिउँसो २ बजे देखि ३ बजेसम्म तथा सर्वसाधरणलाई दिउँसो ३ बजेदेखि साँझ ५ बजेसम्म टीका लगाइदिने कार्यक्रम छ।  

राष्ट्रपति कार्यालयका प्रवक्ता सागर आचार्यका अनुसार  विजया दशमीका दिन राष्ट्रपतिबाट टीका ग्रहण गर्नका लागि राष्ट्रपति कार्यालयले मर्यादित पोसाकमा उपस्थित हुनसमेत अनुरोध गरेको छ। रासस