काठमाडौं । अभिनेत्री तथा ‘मिस नेपाल इन्टरनेसनल २०१२’की विजेता सुवेक्षा खड्काले इन्गेजमेन्ट गर्नुभएको छ । उहाँले प्रेमी आश्वासन जोशीसँग बिहीबार एक समारोहकाबीच इन्गेजमेन्ट गर्नुभएको हो ।

दुबै परिवारको सीमित व्यक्तिको उपस्थिति रहेको समारोहमा दुवैले एकअर्कोलाई औँठी लगाइदिँदै विवाहको वाचा समेत गर्नुभयो ।

गत महिना मात्र आश्वासनले आफ्नो जन्मदिनमा उहाँलाई फिल्मी शैलीमा हिराको औँठी उपहार दिँदै विवाहको प्रस्ताव गर्नुभएको थियो । उहाँले पनि विवाह प्रस्ताव स्वीकार गर्नुभएको थियो ।

सुवेक्षा फिल्मकी अभिनेत्री पनि हुनुहुन्छ । उहाँले फिल्म ‘रणवीर’ बाट अभिनेत्रीको रूपमा फिल्म डेब्यू गर्नुभएको थियो । त्यसपछि उहाँले फिल्म ‘प्रेमा’मा काम गर्नुभएको थियो ।