काठमाडौँ–नेकपा एमाले बागमती प्रदेश कमिटीको नयाँ नेतृत्व चयनका लागि साढे ११ बजेदेखि मतदान हुने भएको छ ।

निर्वाचन कमिटीले निर्वाचन कार्यक्रम सार्वजनिक गर्दै आज बिहान साढे ११ देखि दिउँसो साढे ५ बजेसम्म मतदानको समय निर्धारण गरेको हो । 

निर्वाचन कमिटीले अघिल्लो निर्वाचन कार्यतालिका संशोधन गर्दै नयाँ तालिका सार्वजनिक गरेको छ ।  

मतदानपश्चात् शुक्रबार नै मतपरिणाम घोषणा गर्ने तयारी गरेको प्रमुख निर्वाचन अधिकृत डिल्ली मैनालीले जानकारी दिनुभयो । 

एमाले बागमतीको अध्यक्षमा कैलाश ढुंगेल र  कृष्णप्रसाद दाहालबीच प्रतिस्पर्धा हुँदैछ ।