काठमाडौं-तीनकुनेको हिंसात्मक घटनापछि फरार भएका दुर्गा प्रसाईंलाई भारतबाट नियन्त्रणमा लिएर आज काठमाडौं ल्याइएको छ। प्रसाईँलाई आसामको गुवाहाटीबाट झापा हुँदै विमानमार्फत् काठमाडौं ल्याइएको हो। प्रसाईँलाई काठमाडौं जिल्ला प्रहरी परिसरमा ल्याइएको छ।

जिल्ला प्रहरी कार्यालय झापाको हिरासतमा बिहान केहीबेर राखेर प्रसाईँलाई चन्द्रगढी विमानस्थल पुर्‍याइएको थियो। जिल्ला प्रहरी कार्यालयबाट विमानस्थलसम्म पुर्‍याउँदा प्रसाईँलाई हतकडी लगाइएको थियो ।

विमानमा चढाइसकेपछि भने प्रसाईँको हतकडी खोलिएको थियो। काठमाडौं ओर्लिएपछि पुनः हतकडी लगाइएको थियो।