काठमाडौं-प्रतिनिधिसभा बैठक यही असार ५ गते बिहीबारसम्मका लागि स्थगित गरिएको छ। रास्वपाले निरन्तर सदन अवरोध गरेपछि बिहीबार बिहान ११ बजेसम्मका लागि सूचना टाँसेर गरेर स्थगित गरिएको हो।

मंगलबार सभामुख देवराज घिमिरेले असार ५ गते बिहीबारसम्मका लागि बैठक स्थगित भएको जानकारी दिनुभयो।

रास्वपा र राप्रपाले भिजिट भिसा प्रकरणमा मुछिएका गृहमन्त्री रमेश लेखकको राजीनामा र उच्चस्तरीय छानबिन समितिको माग गर्दै निरन्तर सदन अवरोध गर्दै आएका छन्।

सदन चलाउन सभामुख घिमिरेले आजै पाँच दलका प्रमुख सचेतकहरुसँग छलफल गर्नुभएको थियो।

सभामुख देवराज घिमिरेले बुधबार सहमतिका लागि गृहकार्य गर्न समय दिएको सचिवालयले जनाएको छ ।