काठमाडौं– खानेपानी मन्त्री मणि थापाले माओवादी केन्द्र छाड्ने बताउनुभएको छ ।

सर्वोच्च अदालतको फैसलासँगै नेकपाबाट माओवादी केन्द्रका नेतामा परिणत भएका थापाले प्रधानमन्त्री केपी शर्मा ओलीको साथ नछाड्ने घोषणा गर्नुभएको छ ।

माओवादीका नेताहरु गृहमन्त्री रामबहादुर थापा बादल, ऊर्जा मन्त्री टोपबहादुर रायमाझी, उद्योग मन्त्री लेखराज भट्ट, श्रम मन्त्री गौरीशंकर चौधरी र खेलकुद मन्त्री दावा तामाङले भने औपचारिक धारणा सार्वजनिक गर्नु भएको छैन ।

थापाले पदका लागि ओलीलाई साथ नदिएको भन्दै देश बनाउने सहि विचार, सिद्धान्त र कम्युनिष्ट आन्दोलन लागि साथमा उभिएको बताउनभयो ।

सर्वोच्च अदालतको फैसला आएपछि प्रधानमन्त्री ओलीले एमालेका केही नेतासहित उहाहरुसँग सामूहिक छलफल गर्नुभएको थियो ।

छलफलमा प्रधानमन्त्री ओलीले पहिला उहाँहरुको विचार सुन्नु भएको थियो । सबै नेताहरुले अब एमालेमै रहने घोषणा गर्नुभएको थियो ।