सुर्खेत- आइतबार नेकपा एमालेले बोलाएको संसदीय दलको बैठकमा एमालेको झलनाथ खनाल-माधवकुमार नेपाल पक्ष पनि उपस्थित भएको छ ।
सांसद सुशील थापाका अनुसार बैठकमा सरकारमा रहेका मन्त्रीसहित खनाल-नेपाल समूहका सबै सांसद उपस्थित हुनु भएको हो ।
उहाँका अनुसार बैठकमा सामाजिक विकास मन्त्री दल रावल, उद्योग पर्यटन वन तथा वातावरण मन्त्री नन्दसिंह बुढा र अर्थ मन्त्री प्रकाश ज्वाला पनि सहभागी हुनुहुन्छ ।
बैठकमा समसामयिक विषयमा छलफल भइरहेको बताइएको छ
यसअघि चैत ४ गते बसेको संसदीय दलको बैठकले मुख्यमन्त्री महेन्द्रबहादुर शाहीलाई दिइएको समर्थन फिर्ता लिएको घोषणा गरेको थियो । सो बैठकले गरेको निर्णयमा खनाल-नेपाल पक्षका सांसदले भने सहमति जनाएका थिएनन् ।
उनीहरू बैठकमा सहभागीसमेत भएका थिएनन् ।
प्रतिक्रिया