दमक– नेकपा एमालेका अध्यक्ष केपी शर्मा ओलीको गृहनगर दमकमा स्थानीय तहको निर्वाचनको तयारी थालिएको छ । अघिल्लो निर्वाचनमा प्रमुख,उपप्रमुख सहित १० मध्ये ८ वटा वडामा विजयी भएको एमालेले यस पटकको निर्वाचनमा ‘क्लिन स्विप’ गर्ने योजना बनाएको छ ।
एमाले दमक नगर कमिटीका सचिव ईन्द्र गुरुङका अनुसार त्यसका लागि पहिलो चरणमा नगरका सबै वडा र टोल कमिटीहरु परिचालन गरेर मत सर्वेक्षण गरिने भएको छ ।
गुरुङका अनुसार संगठन निर्माण र सुदृढिकरण अन्तरगत केन्द्रीय सदस्य सहितको प्रशिक्षक टोलीले पार्टी कार्यकर्तालाई संगठन निर्माणका विविध आयामका बारेमा जानकारी गराउने कार्यक्रम छ । आज प्रजातन्त्र दिवशका दिनबाट सुरु गरिने यो अभियान एक महिनासम्म सञ्चालन हुने गुरुङले जानकारी दिनुभयो ।
प्रशिक्षणमा एमालेको नेतृत्वमा भएको दमक नगरपालिकाले विगत पाँच वर्षमा गरेका राम्रा र जनमुखी कामको जानकारी, एमालेको विधान र दशौं महाधिवेशनले पारित गरेका दस्तावेजहरुलाई जनताहरुले बुझ्ने गरी कसरी घरघरमा पुर्याउने भनेर कार्यकर्तालाई सिकाइने छ । यसैगरी यस क्षेत्रका साँसद पार्टीका केन्द्रीय अध्यक्ष केपी शर्मा ओली प्रधानमन्त्री हुँदा दमकमा सुरु गरिएको विकास र सामाजिक सुरक्षाका कार्यक्रमहरुको जानकारी र तिनको अहिलेको अवस्थाका बारेमा समेत कार्यकर्तालाई प्रशिक्षित गरिनेछ । ‘एमालेलाई कसरी जनजनमा पुर्याउने भन्ने बारेमा हामी सबै वडाका अगुवा कार्यकर्ताहरुलाई प्रशिक्षण दिन्छौं’ गुरुङले यो बेलासँग भन्नुभयो ‘अगुवा कार्यकर्ताले एमालेको लक्ष्य घरघर र जनजनमा पुर्याउनुहुनेछ ।’
नेकपा एमाले केन्द्रीय सदस्य एवं दमक नगरकी उपप्रमुख गीता अधिकारीका अनुसार यो प्रशिक्षण कार्यक्रम केन्द्रीय कमिटीको निर्णयको कार्यन्वयन हो । ‘पुष २५ र २६ गते बसेको एमाले केन्द्रीय कमिटीको बैठकले वडा तहसम्म संगठन सुदृढिकरण अभियान सञ्चालन गर्ने निर्णय गरेको थियो’ अधिकारीले भन्नुभयो ‘त्यो निर्णयलाई हामी सबै वडाहरुमा लिएर जाँदैछौं ।’ आज वडा नं ७ बाट प्रशिक्षण कार्यक्रम सुरु हुदैछ ।
अधिकारीका अनुसार संगठन निर्माणसँगै यो स्थानीय चुनावको तयारी पनि हो । ‘एमाले सधैं जनताको घर दैलोमा गएकै छ’ अधिकारीले भन्नुभयो ‘तर स्थानीय चुनावको तयारीका लागि सञ्चालन गरिएको विशेष अभियान हो । एमालेले यसै अभियान मार्फत औपचारिक रुपमा बैशाख हुने स्थानीय चुनावको तयारी थालेको छ ।’
प्रशिक्षणका लागि एमाले दमकले केन्द्रीय सदस्य एवं दमक नगरका प्रमुख रोमनाथ ओली,उपप्रमुख गीता अधिकारी,जिल्ला अध्यक्ष दिपक कार्की लगायतका नेताहरुलाई परिचालन गरेको छ ।
कसलाई कुन वडाको जिम्मा :-
प्रतिक्रिया