काठमाडौं– नेकपा एकीकृत समाजवादीका सम्मानित नेता झलनाथ खनालले आइतबारको संसद बैठकमा एमसीसी टेबल गर्ने शीर्ष नेताहरुको निर्णयप्रति कडा आपत्ति प्रकट गर्नुभएको छ ।

खनालले पार्टी अध्यक्ष माधवकुमार नेपालले जनतामाथि घात गरेको आरोपसमेत लगाउनुभयो । उहाँले आफ्नो पार्टीको निर्णय पनि यथास्थितिमा संसद टेबल गर्न नहुने भएकाले त्यस्तो खालको सहमतिलाई आफूहरुले स्वीकार गर्न नसक्ने बताउनुभयो ।

खनालले गठबन्धनको निर्णयबारे तीन आपत्ति प्रकट गर्नुभयो ।

एक, एमसीसी संसदमा लगेर अनुमोदन गर्नुपर्ने आवश्यकै छैन ।
दुई, संविधानको धाराा २७९ बमोजिम संघीय कानून बनाएर मात्रै संसदमा लैजानुपर्छ ।
तीन, एमाले अवरोधले संसद चलेको छैन । अबरुद्ध संसदमा टेबुल गर्नु राम्रो होइन ।

खनालले गठबन्धनको निर्णय बचपना भएको टिप्पणीसमेत गर्नुभयो ।

खनालले पार्टी बैठकले एमसीसी टेबुल गर्ने निर्णय नगरेको दाबी समेत गर्नुभयो ।

खनालले यो बेला डट कमलाई भनेअनुसार पार्टी स्थायी कमिटी बैठकले तीन वटा निर्णय गरेको छ ।

एमसीसीबारे कार्यदलको रिपोर्ट सर्वसम्मत पास गर्ने ।
एमसीसी परिमार्जन नगरी अगाडि नबढाउने ।
केही कुरा गर्नुपरे सचिवालयले निर्णय गर्ने ।