अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +९७७-९८५११०७८२४
News: [email protected]

पार्टी भित्र आफैं असुरक्षित भएपछि माधव नेपालले खोजे केन्द्रीय कमिटीको साहारा

पार्टी भित्र आफैं असुरक्षित भएपछि माधव नेपालले खोजे केन्द्रीय कमिटीको साहारा

दलको नेताबाट नेपाललाई हटाउन मन्त्री सहित १० साँसदको कसरत जारी


काठमाडौ -मन्त्री पदबाट फिर्ता हुन आफ्नो, सचिवालय र पोलिटव्यूरोको निर्देशन नटेरेपछि माधव नेपालले केन्द्रीय कमिटीको साहारा खोज्नु भएको छ ।
त्यसका लागि आज र भोली नेकपा एसको केन्द्रीय कमिटी बैठक डाकिएको छ । नेपालले दुई साता अघि नै पार्टीका तर्फबाट मन्त्रीभएकाहरुलाई फिर्ता बोलाएर नयाँ मन्त्री सिफारिस गर्नु भएको थियो । तर मन्त्रीहरुले फिर्ता हुनु परे पार्टी छोड्ने धम्की माधव नेपाललाई र आफूह्रुलाई हटाए सरकार ढालिदिने धम्की प्रधानमन्त्रीलाई दिएपछि यो सिफारिस हालसम्म बेवारिसे बनेको छ ।
आफ्नो एकल सिफारिस प्रधानमन्त्रीले नटेरपछि नेपालले सचिवालय र पोलिटव्यूरो बैठकबाट मन्त्री फेर्न निर्णय गराउनुभयो । त्यो निर्णयपछि मन्त्रीहरु झन् उग्र बनेर पार्टी निर्णय नमान्ने भन्दै माधव नेपाल माथी कडा रुपमा प्रष्तुत भए ।
मन्त्री फिर्ता बोलाउने सबै प्रयास असफल भएपछि नेपालले आज र भोली केन्द्रीय कमिटी बोलाउनु भएको छ । तर त्यहाँ पनि चारैजना मन्त्री संगठित रुपमा उत्रने तयारी गरेका छन् । त्यती मात्र होइन संसदीय दलमा १० जनाले हस्ताक्षर गरेर बैठक माग गर्दै निवदेन हालेका छन् । २४ सांसद मध्ये १३ जना आफ्नो समुहमा पुर्याउन प्रेम ओले लगायतका नेताहरु लागि परेको समाजवादी स्रोत बताउछ । १० जनाको समुहले सकेसम्म माधव नेपाललाई संसदीय दलको नेताबाट हटाउने कसरत गरिरहेको छ ।