काठमाडौं – सत्य निरुपण तथा मेलमिलाप आयोग र बेपत्ता पारिएका व्यक्तिको छानबिन आयोगको म्याद थपिएको छ।

आज बसेको मन्त्रिपरिषद् बैठकले दुवै आयोगको म्याद तीन महिना थपेर असोज मसान्तसम्म बनाउने निर्णय गरेको हो।

मन्त्रिपरिषद् बैठक बस्नुअघि शुक्रबारै सत्ता गठबन्धनको बैठक बसेको थियो। सोही बैठकले सत्य निरुपण तथा मेलमिलाप आयोग र बेपत्ता छानबिन आयोगका पदाधिकारीको  म्याद थपका लागि ऐन संशोधन गर्ने सहमति जुटाएको थियो।