विराटनगर – प्रदेश–१ को नामबारे छलफल गर्न प्रदेश १ का सभामुख प्रदीप भण्डारीले सर्वदलीय बैठक आह्वान गर्नु भएको छ ।

सभामुख प्रदीपकुमार भण्डारीले साउन ६ गतेका लागि नामकरणका विषयमा छलफल गर्न सार्वदलिय बैठक बोलाएको हो ।

दलहरु नामकरणका लागि आ-आफ्नै अडानमा हुँदा सहमतिका लागि सभामुखले बैठक बोलाएका हुन् ।

एमालेले प्रदेशको नाम कोसी राख्नका लागि छलफलमा प्रस्ताव राखेको छ। यसैगरी नेपाली कांग्रेस संसदीय दलले सप्तकोसी छलफलमा लगेको छ। यस्तै माओवादीले पहिचानको आधारमा प्रदेशको नाम राख्नुपर्ने बताउँदै आएको छ।