काठमाडौं- विद्युत् अवरूद्ध भएपछि चन्द्रागिरी केवलकारमा यात्रु अड्किएका छन्। बुधबार करिब साढे १ बजे केबलकार बन्द भएपछि यात्रुहरू अड्केका हुन्।

केबलकारमा फसेका यात्रुको प्रहरीले उद्धार प्रयास गरिरहेको प्रहरीले जनाएको छ।

केवलकारमा अड्किएकाहरूलाई झार्न कम्पनीले जेनेरेटर चलाएपनी त्यसले काम नगरेपछि अब हातैले केवलकारका डोरी तान्न लागिएको महानगरीय प्रहरी बृत्त थानकोटले जनाएको छ।

स्टेसन नजिक रहेका ८ जना यात्रुको भर् याङ लगाएर उद्धार गरिएको महानगरीय प्रहरी बृत्त थानकोटले जनाएको छ।

प्रहरीका अनुसार समयमा जेनेरेटर चलाउन नसकिएपछि अहिले केवलकारको डिब्बामा अड्किएका यात्रुलाई डोरी हातैले तानेर तल्लो स्टेशनमा झार्ने प्रयास भइरहेको छ।