काठमाडौं-पूर्व राष्ट्रपति डा. रामवरण यादवले जेन-जी विद्रोहका बेला भदौ २४ मा देशभर लागेको आगो र क्षतिको अवस्थाबारे सरकारले सत्यतथ्य बाहिर ल्याउनुपर्ने बताएका छन्। 

नेपाल प्रेस युनियनको विधानसभा कार्यक्रममा यादवले भदौ २४ को क्षतिबारे सरकारले प्रभावकारी छानबिन गर्नुपर्ने बताएका हुन्। 

‘सम्माननीय राष्ट्रपतिज्यूले चुनाव गराउन, भदौ २३ र २४ को घटनाको छानबिन गर्न सुशीला कार्कीलाई प्रधानमन्त्री बनाउनुभयो। उहाँले चुनाव गराउनुभयो। २३ गतेको घटनाको विषयमा छानबिन भएको कुरा पनि आयो,’ पूर्व राष्ट्रपति लेभने, ‘२४ को घटनामा के भयो ? हामी कुरिरहेका छौँ ।’

पूर्व राष्ट्रपतिले थपे, ‘२४ को घटनामा देशभरि आगो लाग्यो। सिंहदरबार, राष्ट्रपति भवनदेखि देशभर आगो लाग्यो। यो घटनाको नेपालीसामु दूधको दूध पानीको पानी बनाइदिए सरकारलाई धन्यवाद दिनुपर्छ।’