काठमाडौं-रास्वपाका सांसद सागर ढकाल सवार गाडी गुल्मीमा दुर्घटनामा परेको छ।

शुक्रबार गुल्मीमा सांसद ढकाल सवार गाडी दुर्घटनामा परेको गुल्मीका प्रहरी नायव उपरीक्षक एवं सूचना अधिकारी विरेन्द्र विश्वकर्माले जानकारी दिए। 

रेसुङ्गा नगरपालिका–४ अर्खलेमा गाडी दुर्घटना भएकाे प्रहीले जनाएकाे छ। दुर्घटनाकाे विस्तृत विवरण भने आइसकेकाे छैन।

सांसद ढकालले सामाजिक सञ्जाल फेसबुकमा लेखेका छन्,‘सामान्य दुर्घटना हो। व्यक्तिलाई केही पनि भएको छैन, गाडिमा सामान्य क्षति भएको छ। भगवानको कृपाले  सबै  ठिक छ, सुशान्त वैदिक, म र आरपि महतो सबै ठिक छौँ। त्यही गाडीमै फर्किदै छौँ। हजुरको शुभेक्षाको लागि धेरै धेरै धन्यवाद।’