काठमाडौं-नेकपा (एमाले)का अध्यक्ष केपी शर्मा ओलीले नेपाली कम्युनिस्ट पार्टी (नेकपा)का पोलिटब्युरो सदस्य डी.बी. कार्कीसहित ६ जना केन्द्रीय सदस्यलाई पार्टीमा स्वागत गरेका छन् ।

एमाले अध्यक्ष ओलीले पार्टी केन्द्रीय कार्यालय च्यासलमा आयोजित कार्यक्रममा उनीहरूलाई स्वागत गर्दै पार्टीलाई थप सुदृढ र एकताबद्ध बनाउन सबैको भूमिका महत्वपूर्ण रहने बताए ।

पार्टीमा स्वागत गरिएका नेताहरूमा रुपन्देहीका राधेश्याम गुप्ता, दैलेखका विद्याप्रसाद शर्मा, दाङका वामदेव गौतम, मोरङका भोला बराल, धादिङका दीपक इटानी र बैतडीका रविन्द्र बम रहेका छन्।

नवनियुक्त नेताहरूलाई स्वागत गर्दै अध्यक्ष ओलीले मुलुकको समृद्धि, सुशासन र राजनीतिक स्थायित्वका लागि एमालेको नेतृत्वमा अघि बढ्नुपर्ने आवश्यकता रहेको उल्लेख गरे। उनले पार्टीभित्रको एकता र संगठन सुदृढीकरणलाई प्राथमिकतामा राख्दै नयाँ सदस्यहरूको अनुभव र योगदानले पार्टीलाई थप मजबुत बनाउने विश्वास व्यक्त गरे ।

पार्टी प्रवेश गरेका नेताहरूले एमालेको नीति, विचार र नेतृत्वप्रति विश्वास व्यक्त गर्दै आगामी राजनीतिक अभियानमा सक्रिय भूमिका निर्वाह गर्ने प्रतिबद्धता जनाएका छन्।