काठमाडौं- त्रिशूली नदीमा ट्रक खस्दा दुई जनाको मृत्यु भएको छ । आज बिहान पौने १ बजे बेनिघाट रोराङ गाउँपालिका(१० तिङग्राङखानीस्थित पृथ्वी लोकमार्गबाट त्रिशूली नदीमा ट्रक खस्दा दुई जनाको मृत्यु भएको हो ।
रूपन्देहीबाट काठमाडौं सिमेन्ट बोकेको ट्रक नदीमा खस्दा चालक काभ्रे बनेपा नगरपालिका नालाका ४५ वर्षीय विष्णु घिमिरे र सहचालक २८ वर्षीय सुमन सञ्जेलको मृत्यु भएको इलाका प्रहरी कार्यालय गजुरीका प्रहरी निरीक्षक भोजराज पाण्डेले जानकारी दिनुभयो ।
मृतक दुवैको शव पोस्टमार्टमको लागि प्राथमिक स्वास्थ्य केन्द्र गजुरी पठाइएको छ । घटनाको अनुसन्धान भइरहेको प्रहरीले जनाएको छ ।
प्रतिक्रिया